Rrustem Mustafa, ish-komandanti i UÇK-së për rajonin e Llapit, është duke kërkuar që të vazhdohet afati i ankesave për veteranët dhe invalidët që janë të pakënaqur me listat e publikuara të kësaj Zone.

Në faqen e tij në facebook ka postuar:

Të nderuar aplikantë të të gjitha kategorive të UÇK –së.

Të kënaqur me angazhimin tuaj kërkojmë edhe angazhime shtesë.

Sot pas skadimit të afatit për ankesa në një takim me anëtarë të ngushtë të komandës së ZOLL-it dhe në komunikim me eprorët e tjerë të UÇK-së vendosëm të shtrojmë kërkesë për zgjatjen e afatit për ankesa pranë komisionit qeveritarë.

1. Të gjithë që të ushtrojnë ndikim dhe duke bërë ankesat e duhura pranë komisionit të ushtrojnë të drejtën e paraparë me ligj.
2. Ka nga ata që nuk kanë mundur deri më tani të aplikojnë ,kërkojmë që të kenë kujdes dhe ta bëjnë këtë sidomos për kategorinë e kontribuuesve,që e dimë që janë të shumtë.
3. Aplikantët që kanë konkurruar për shkallë invaliditeti do të përcillen tek komisionet mjekësore. Eprorët e as ne si komision verifikues nuk do të bëjmë verifikimin e invaliditetit.

Ligji u jep të drejtë të gjithëve për aplikim dhe kjo është mundësi ligjore.

Ju faleminderit për bashkëpunim deri më tani dhe ankesat që keni parashtruar. Në këtë mënyrë kemi zvogëluar mundësinë e gabimeve dhe ne ZOLL-it do të përfundojmë me sukses këtë detyrë që është para nesh, ka përfunduar shkrimin e tij në facebook Remi.