Haradinaj-Stublla bisedon me homologun nga Katari, dakordohen për finalizim të marrëveshjeve

10:59 | 15 Tetor 2020
A Z

Ministrja e Punëve të Jashtme dhe Diasporës, Meliza Haradinaj-Stublla, ka thënë se sot ka biseduar virtualisht me

Zëvendëskryeministrin dhe Ministrin e Punëve të Jashtme të Shtetit të Katarit Sheikun Mohmmed bin Abdulrahman bin Jassim Al Thani.

Haradinaj-Stublla ka thënë se e falënderon homologun e Katarit për mbështetjen e vazhdueshme ekonomike për Kosovën, si dhe për përkrahjen politike në shumë procese të anëtarësimit në organizata ndërkombëtare.

“Hapja e Ambasadës sonë në Doha në vitin 2019 është shprehje e lartë gatishmërie për të avancuar më tej marrëdhëniet tona dypalëshe”.

“Me homologun sot u dakorduam edhe për finalizimin e shumë marrëveshjeve bilaterale në fushën ekonomike, tregtare, konsullore, dhe kulturore të cilat janë në fazën finale të negocimit”, ka shkruar Haradinaj-Stublla në rrjetin social Facebook.