Janë lënduar tre persona si pasojë e një aksidenti trafiku që ka ndodhur sot në rrugën për në Vlashnje të Prizrenit.

Këtë e ka bërë të ditur për Arbresh.info zëdhënësi i policisë për rajonin e Prizrenit, Shaqir Bytyqi, i cili ka njoftuar se rasti ka ndodhur rreth orës 15:40.

Në këtë aksident janë të përfshirë dy vetura dhe të njëjtit janë dërguar për trajtim mjekësor në Emergjencë.

“Rreth orës 15:40 është raportuar për një aksident trafiku, i cili ka ndodhur në rrugën për në Vlashnje, në Prizren. Në aksident janë përfshirë dy automjete dhe tre persona janë lënduar, të cilët janë dërguar në Emergjencë”, ka thënë zëdhënësi i policisë për rajonin e Prizrenit, Shaqir Bytyqi.

Ai tutje ka bërë të ditur se policia si dhe zjarrfikësit kanë dal në vendngjarje./Arbresh.info/