Ministri në detyrë i Punëve të Brendshme Agim Veliu thotë se 14 shkurti do të jetë dita e së vërtetës dhe reflektimit.

Kandidati për deputet nga Lidhja Demokratike e Kosovës përmes një postimi në Facebook shkruan se, do t’u tregojmë të gjithëve se Llapi vazhdon të frymojë fuqishëm me LDK-në, raporton arbresh.info

Ky është postimi i plotë i tij:

14 shkurti do të jetë dita e së vërtetës dhe reflektimit. Dita kur qytetarët e Llapit, si gjithmonë, do të dëshmojnë se dinë të vlerësojnë vlerat nacionale dhe nuk shmangen nga orientimi djathtist.

Do t’u tregojmë të gjithëve se Llapi vazhdon të frymojë fuqishëm me Lidhjen Demokratike të Kosovës, partinë që shënoi fillimin e pluralizmit politik jo vetëm në Kosovë, por në të gjithë hapësirën politike shqiptare e rajonale.

Në këtë ditë do të shuhen iluzionet dhe do të rrënohen të gjitha piramidat e sondazheve, që po ndërtohen si fontanë dëshirash e sipas kriterit të tregut të lirë – sa para aq përqindje në sondazh./arbresh.info/