Kreu i Aleancës për ardhmërinë e Kosovës, Ramush Haradinaj, që në luftë kishtë nofkën “Smajli” ka kujtuar heroin Abedin Rexha me nofkën “Sandokani”.

“E kërkoi lirinë e u bë ndërtues i saj. Lavdi e përjetshme Hero Abedin Rexha”, ka shkruar Haradinaj në Facebook.

Abedin Rexha ishte luftëtar i radhëve të para të Ushtrisë Çlirimtare të Kosovës, guximtar e sypatrembur deri në vdekje, për çka dhe bashkëluftëtarët e tij e quajtën “Sandokan”.

Në fillim të gushtit 1998, Shtabi i Përgjithshëm i UÇK-së, Abedin Rexhën e kishte caktuar Komandant të Brigadës 112 “Arben Haliti” në Zonën Operative të Drenicës.

Gjatë muajve gusht-shtator 1999, komandant Sandokani luftoi pa iu trembur syri në shumë fushëbeteja. Dhe pikërisht në kulmin e ofensivave me përmasa të gjera shfarosëse nga forcat serbe, në të gjitha zonat Operative të UÇK-së, e veçanërisht në Zonë të Drenicës më 8 tetor 1998, komandanti Abedin Rexha – Sandokani, vritet në pyjet e fshatit Kllodernicë të Skënderajt./arbresh.info/