Një cent amerikan është shitur për 2,6 milion dollarë në një ankand në Beverli Hills. Centi i cili daton nga viti 1792 në këtë mënyrë është bërë monedha më e paguar ndonjëherë në ndonjë ankand. Monedha, që ka marrë emrin nga gdhendësi i saj Robert Birch, bën pjesë në serinë e prototipave të parë të monedhave amerikane. Besohet se në Amerikë gjenden vetëm 10 monedha të tilla.

“Ekzistojnë vetëm 10 monedha të tilla, dhe kjo është shumë më e mirë  nga gjithë të tjerat. Është një gjë e rrallë. Pra më e mira nga të mirat. Gjithashtu duhet pasur parasysh se çfarë përfaqëson, pikërisht lindjen e monedhave tona”, tha Kevin Lipton, tregtar monedhash.

Një njërën anë të monedhës gjendet Zonja e Lirisë me moton “Liria burim i Shkencës dhe Industrisë”, ndërkaq në anën tjetër shkruan Shtetet e Bashkuara të Amerikës dhe ‘një cent’ brenda një kurore. Vlera e monedhës vitet e ardhshme pritet të rritet akoma më shumë, madje mbi 10 milion dollarë.