Pandemia e Covid-it ka shkaktuar vdekjen e afro 15 milionë njerëzve në mbarë botën, vlerëson Organizata Botërore e Shëndetësisë (OBSH).

Kjo është 13% më shumë vdekje sesa pritej normalisht gjatë dy viteve, transmeton portal arbresh.info

OBSH beson se shumë vende nuk numëruan numrin e të vdekurve nga Covid, ndërsa vetëm 5.4 milionë vdekje janë raportuar.

OBSH thekson se vetëm në Indi janë 4.7 milionë vdekje nga koronavirusit, 10 herë më shumë se shifrat zyrtare dhe pothuajse një e treta e vdekjeve nga Covid në nivel global.

Qeveria indiane ka vënë në dyshim vlerësimin, duke thënë se ka “shqetësime” për metodologjinë, por studime të tjera kanë arritur në përfundime të ngjashme në lidhje me shkallën e vdekjeve në vend.

Këto përllogaritje marrin gjithashtu parasysh vdekjet që nuk ishin drejtpërdrejt për shkak të Covid-it, por përkundrazi të shkaktuara nga efektet e tij të dëmshme, si njerëzit që nuk janë në gjendje të hyjnë në spitale për kujdesin që u nevojitet.

OBSH ka deklaruar se shumica e 9.5 milionë vdekjeve shtesë që shihen mbi 5.4 milionë vdekjet e raportuara nga Covid mendohej se ishin vdekje të drejtpërdrejta të shkaktuara nga virusi, sesa vdekje indirekte.

Krahas Indisë, vendet me numrin më të madh të vdekjeve nga Covid janë Rusia, Indonezia, SHBA, Brazili, Meksika dhe Peruja.

Shifrat për Rusinë janë tre herë e gjysmë më shumë se vdekjet e regjistruara në vend.

Vendet me shkallë të ulët të vdekshmërisë së tepërt përfshinin Kinën, e cila ende po ndjek një politikë të “zero Covid” që përfshin testime masive dhe karantina, Australinë, e cila vendosi kufizime të rrepta udhëtimi për të mbajtur virusin jashtë vendit, Japoninë dhe Norvegjinë./bbc/arbresh.info/