Shërbimi sekret i SHBA-ve është duke u përballur me një krizë të parave për shkak të kostos së lartë të mbrojtjes së Presidentit Trump, shtëpive të shumta dhe familjes së madhe.

Randolph Ailes, shefi i shërbimit, tha për USA Today  se më shumë se 1,000 agjentë nuk kanë arritur të paguhen në lidhje me punën e bërë jashtë orarit për shkak të ngarkesës së madhe, transmeton portali arbresh.info

Me 150 krerë të huaj për shkak të kovergimit në Nju Jork gjatë muajit të ardhshëm për Asamblenë e Përgjithshme të OKB-së, kërkesat për shërbim janë duke u shtuar.

Trump ka udhëtuar pothujase çdo fundjavë në pronat e tij në Florida, New Jersey dhe Virxhinia, përderisa shërbimi sekret siguron edhe  mbrojtjen për fëmijët e tij të rritur në udhëtimet e tyre të biznesit dhe kur ata ndodhen në pushime.

Nga e gjithë administrata e tij, 18 janë anëtarët e familjes që kanë  mbrojtje nga shërbimi sekret.

“Presidenti ka një familje të madhe dhe përgjegjësia jonë kërkohet me ligj”, tha Alies. “Nuk mund të ndryshojmë këtë.”

Alies ka filluar kërkimin e fondeve shtesë nga Kongresi, ndërsa ka shtuar se është në negociata me anëtarët kyç për të rritur pagat e punëtorëve të cilët punojnë edhe jashtë orarit, duke i bërë ato nga 160 mijë dollarë në vit, në 187 mijë.

Ai ka shtuar se kjo rritje e pagave ‘duhet’ të aplikohet deri në fundin e mandatit të Presidentit Trump./arbresh.info/