Oriini Kaipara ka hyrë në histori si prezantuesja e parë e një programi informativ në “prime time”, me një tatuazh tradicional maork në mjekër (moko kauae).

Në vend të prezantuesve të deritanishme në Neëshub Live, në ekran kësaj radhe u shfaq Oriini Kaipara, duke thënë se i është realizuar ëndrra e kamotshme dhe se shpreson se është e para prej shumë Maorkave që do të jap lajmet me tatuazhin tradicional.

“Jam e vetëdijshme që jam gazetarja e parë me tatuazhin maork që jep lajmet e orës 18:00. Gjithmonë për këtë mendoj, çdo hap që e bëjë është po thyej platformën e xhamit. Po thyej akullin për Maorken, por gjithashtu edhe për njerëzit me ngjyrë tjetër të lëkurës. Pavarësisht nëse janë moho kauae apo jo”, tha ajo.

Oriini Kaipara për herë të parë fitoi vëmendjen e masës, kur në nëntor të vitit 2019 u fut si në televizionin e Zelandës së Re si zëvendësim të një prezantuese tjetër. Udhëhoqi programin informativ të pasdites.

Katër vite më parë bëri testin e ADN-së që i tregoi se ajo ka gjak të pastër të Maorkinëve, që është konfirmuar se 98% ka prejardhje maorke.

“Në Zelandën e Re shumë kanë besuar se më nuk ekzistojnë njerëz me gjak të pastër të këtij populli. Rezultatet e analizave të gjakut tim tregojnë se ekziston të paktën një maorke, pavarësisht se shumë mendojnë ndryshe”, tha ajo.

“Besoj se ka shumë të tjerë si unë, thjesht duhet ta bëjnë testin e ADN-së. Të jesh Maork është thjesht mënyrë e jetës. Kam lindur e rritur në këtë botë si maorke ku (gjuha) reo dhe tikianga (tradita) janë në gjakun tonë”, shtoi ajo.

Maorkët përdorin tatuazhet për prezantimin e trashëgimisë familjare dhe statusit shoqëror. Për Maorkët, tatuazhi paraqet një rit kalimi midis një vajzë dhe një gruaje. /Telegrafi/