Sekretari i Jashtëm britanik Philip Hammond sot akuzoi presidentin rus Vladimir Putin për rrezikimin e sigurisë së vendeve në Evropën Lindore.

“Tani duhet të ballafaqohemi me liderin rus i cili nuk dëshiron të bashkohet me sistemin ndërkombëtar të bazuar në rregullat për ruajtjen e paqes midis kombeve, por edhe po e dëmton ate”, tha Hammond në një fjalim që do të zhvillohet sot në një institut britanik, pjesë nga i cili janë botuar më parë.

Hammond tha se “veprimet e tanishmetë Putinit si aneksim i paligjshëm i gadishullit Krimesë dhe dërgimi i trupave ruse qëtë destabilizojë Ukrainën lindore, rrënjësisht rrezikojnë sigurinë e vendeve sovrane të Evropës Lindore.”

Shefi i diplomacisë britanike sot do të mbajë fjalimin ndërkohë që NATO është duke u përgatitur për një stërvitje ushtarake në Lituani, Letoni dhe Estoni. SHBA ka filluar dislokimin e 3000 trupave të cilët do të marrin pjesë në stërvitjet ushtarake tre-mujore në vendet e Balltikut, në kuadër të operacionit ”Zgjidhja e Atlantikut”, u raportua nga Pentagonit natën e kaluar./arbresh.info/