Nënkryetari i Kuvendit të Kosovës Xhavit Haliti ka thënë se njerëzit e LDK’së kanë kontribuar në akuzat ndaj Ushtrisë Çlirimtare të Kosovës. Sipas tij, këto akuza sot po krijojnë Gjykatën Speciale, e cila thotë Haliti do të shpërbej për pastrim emrash.

Xhavit Haliti i PDK’së ka akuzuar partnerin në koalicionin qeverisës LDK’në për akuza ndaj Shtabit të Përgjithshëm, pjesë të të cilave janë përfshirë në raportin e Dick Martyt.

“Është akuzë krejtësisht politike do ta quaja, për Shtabin e Përgjithshëm, nuk ka një urdhër të tillë, s’ka pasë kurrë urdhëra të tillë dhe nuk do të ketë askush mundësi që të gjejë një fakt që të akuzoj Shtabin e Përgjithshëm që ka dhënë urdhëra të tillë. Vjen kryesisht nga LDK’ja kanë ardhë akuza”, tha Haliti në Rubikon të KTV’së.

Ai tha se akuzat e vazhdueshme të njerëzve të LDK’së me tentimin për të ‘kriminalizuar’ UÇK’në sollën dyshimet dhe akuzat e tilla.

“Denoncimet e bëra njëra pas tjetrës, njërëz të informum të pa informum, të pagumë të pa pagumë kanë bërë që shërbimet e huja të ngrisin raporte të ndryshme, tu bëjnë informata Qeverive të veta dhe ankesat e përhershme, edhe sot përshembull ndonjë gazetë që është e afërt e LDK’së ose është afër atij grupi i cili mendon që duhet gjithçka të UÇK’së me e konsideru si kriminale t’i konstaton që aty ka ndodh diçka. Sepse propaganda ka qenë e tillë.