Deputeti i Lëvizjes Vetëvendosje, Adnan Rrustemi, ka ironizuar me kryeministrin e Shqipërisë, Edi Rama, i cili deklaroi më herët se ia ka dërguar kancelarit Scholz dhe presidentit Macron draft-statutin e Asociacionit.

Në Facebook, Rrustemi ka thënë se Rama duhet ta dërgojë draft-statutin së pari te Dejona Mihali, e më pas te ndërkombëtarët.

Në të kundërtën, sipas tij, Rama e ka kot.

“Rama paska dërguar draft-statut për Asociacionin e komunave me shumicë serbe te Scholzi dhe Macroni. Kot i dërgon në Berlin e Paris pa i dërguar njëherë te Dejona Mihali”, ka ironizuar Rrustemi.

Ndërkaq, kryeministri shqiptar sot gjatë ditës deklaroi se ka dërguar draft-statutin e Asociacionit te Scholz dhe Macron me dëshirën më të madhe, në mënyrë që të arrijnë sa më parë te zgjidhja e tensioneve./Arbresh.info