Kryetari i PDK-së, Memli Krasniqi, ka mbajtur sot konferencë për media k  ka folur për mos-votimin e Komisionit Hetimor Parlamentar.

Krasniqi ka thënë se nuk e di se çfarë po fshehin deputetët e pozitës, të cilët kanë kundërshtuar themelimin e Komisionit Hetimor për çështjet e lartëcekura.

Ai ka thënë se veprimi i Lëvizjes Vetëvendosje sot në Kuvend është një precedent i rrezikshëm i demokracisë në vendin tonë, por ka thënë se PDK-ja garanton se ky proces mund të vonohet, por nuk mund të ndalohet.

Tutje ka deklaruar se shpreson që deputetët “t’i thërrasin mendjes” dhe të reflektojnë.

“T’i thirrin mendjes, pse duhet të mbrohet dikush që ka shkelur Ligjin? Pse po ndalohet themelimi i Komisionit Hetimor i cili do të zbardhte publikisht se ku kanë shkuar taksat e qytetarëve gjatë këtyre muajve? Neglizhenca e Qeverisë ndaj opozitës deri më tani i ka kushtuar Kosovës me miliona euro. Kjo nuk mund të fshihet, kjo e vërtetë do të dalë në shesh. As Albin Kurti e askush tjetër nuk mund të fshehë keqpërdorimet”, tha ai./arbresh.info/