Një këshilltar i lartë i presidentit amerikan Donald Trump ka pranuar se SHBA “nuk do mund ta kontrollojë pandeminë”.

Shefi i Shtabit të Shtëpisë së Bardhë Mark Meadoës tha se COVID-19 mund të mposhtet vetëm nga “zona lehtësuese” si vaksinat dhe terapeutikët.

Vërejtjet e tij vijnë derisa rastet e koronavirusit rriten në SHBA, nëntë ditë para zgjedhjeve presidenciale, transmeton Klan Kosova.

Sfiduesi demokrat presidencial Joe Biden tha se Shtëpia e Bardhë po valviste “flamurin e bardhë të humbjes”.

Ai shtoi se komentet e Meadoës treguan se administrata Trump kishte “hequr dorë nga detyra e tyre themelore për të mbrojtur popullin amerikan”.

Në një intervistë me CNN, Meadoës tha se kontrolli i virusit nuk ishte një qëllim realist sepse “ai është një virus ngjitës ashtu si gripi”.

Rreth 225,000 amerikanë kanë vdekur që nga fillimi i pandemisë, shifra më e lartë e çdo vendi.

SHBA regjistroi 83,718 raste të reja me COVID-19 të shtunën, sipas Universitetit Johns Hopkins, Më parë, numri më i lartë i infeksioneve të raportuara në një ditë të vetme ishte 77,362 më 16 korrik.