Qytetarët janë alarmuar në lidhje me gjendjen e ujit në rajonin e Mitrovicës, pasi po dyshohet se është helmuar.

Disa qytetarë të Mitrovicë kanë shpërndarë në rrjetet sociale sugjerime që të bëhet kujdes më ujin e pijshëm atje, por zyrtarë komunalë në Mitrovicë kanë thënë se nuk kanë ndonjë informacion për këtë.

“Zëri.Info”, ka kontaktuar me nënkryetarin e Mitrovicës Fatmir Mujka në lidhje me këtë çështje por që ky i fundit nuk është i informuar.

“ Po qarkullojnë dezinformata, unë diçka të tillë nuk kam informacion, qendra higjenike e kontrollojnë ujin, ai nuk kalon nga ne, ne s’kemi informata të tilla”, tha Mujka.

“Zeri.Info”, ka kontaktuar edhe në zyrën e kryetarit Agim Bahtiri, por as këta të fundit nuk kanë ndonjë informacion për këtë.

As Policia e Kosovës nuk ka pranuar një informatë të tillë.

Për “Zeri.Info”, zëdhënësi i Policisë për rajonin e Mitrovicës, Besim Hoti, tha së është e pa vërtetë dhe se deri më tani nuk ka marrë ndonjë informatë të tillë./ZËRI/