Menaxhimi i integruar të mbetjeve urbane është një problematikë mjaft e theksuar dhe shqetësuese në qytetin bregdetar dhe turistik të Durrësit.

Top Channel ka realizuar disa kronika, ku ka denoncuar këtë problematikë, që po shkakton pasoja katastrofike të ndotjes mjedisore, por edhe në shëndetin e popullsisë në qytetin e Durrësit.

Së fundi, burime të Top Channel mësuan se Bashkia e Durrësit do t’i kërkojë Këshillit Bashkiak në mbledhjen e radhës, shpalljen e emergjencës mjedisore në fushën e menaxhimit të integruar të mbetjeve urbane, në territorin e saj adminstrativ.

Aktualisht zona më problematike në qytetin bregdetar, është vendi i grumbullimit të plehrave në zonën e Porto Romanos, ku qytetarët dhe aktorët e shoqërisë civile, kanë organizuar disa herë protesta./TCH/