Lidhja Demokratike e Kosovës, ka mbajtur konferencë për media, ku është diskutuar për punësimet e paligjshme në institucione të Kosovës.

Sibel Halimi zëdhënësja e LDK-së tha se  LDK-ja kërkoi që konkursi i KEK-ut të anulohet menjëherë dhe të vendoset drejtësi për aplikantë.

“Lidhja Demokratike e Kosovës kërkon që ky konkurs të anulohet menjëherë dhe të vendoset drejtësi për 4668 aplikantë”.

Sipas saj duhet të suspendohen të gjithë zyrtarët e KEK-ut dhe prokuroria të fillojë hetimet e të gjithë procesit.

“Shkarkim dhe suspendim i të gjithë zyrtarëve udhëheqës në KEK përfshirë edhe komisionin vlerësues të cilët janë të përfshirë në mënyre direkte në këtë shkelje, si dhe ftojmë prokurorinë qe të fillojë hetim të menjëhershëm të të gjithë procesit dhe të merr masa”, tha Halimi./arbresh.info/