Porsche prezanton Cayenne Platinum Edition

12:41 | 19 Janar 2022

Porsche po lanson edicionin e veçantë të Cayenne i njohur si Platinum Edition. Ky edicion i veçantë i SUV-it e karakterizojnë elemente interesante të dizajnit, ngjyra si dhe pajisjet e ndryshme që janë futur në të.

Rezultati është një veturë moderne në kombinim me një çmim të “arsyeshëm”. Modelet Cayenne E-Hybrid dhe Cayenne S sikurse varianti Coupe, janë të qasshme në versionin Platinum Edition, transmeton Telegrafi.

Pamja tërheqëse e Cayenne Platinum Edition e karakterizojnë, një sërë specifikash duke filluar nga dritat LED, fellnet 21-inç RS Spyder Design, të rezervuara enkas për modelet Platinum Edition.

Enterieri është i punuar me finesë duke e bërë një veturë elegante dhe tejet të kërkuar, për ata që duan luks dhe fuqi motorike.

Të gjithë ata që duan ta kenë në garazh një të tillë, duhet ta bëjnë nga muaji maj dhe të gjitha porositë do të bëhen në Gjermani.

Për një Cayenne Platinum Edition duhet ndarë 89.335 euro që ka 360 kuaj-fuqi, kurse Cayenne E-Hybrid me fuqi motorike prej 462 kuaj-fuqi do të kushtojë 105.995 euro.

Shpërndaje në rrjete sociale

Lajmet më të lexuara