Dy funksione të reja nga WhatsApp

17:33 | 11 Qershor 2022

Javët e fundit, inxhinierët e WhatsApp kanë punuar për përditësime të ndryshme dhe është bërë e ditur se aplikacioni më i rëndësishëm i rrjetit të mesazheve në botë ka lançuar dy funksione të reja.

Grupet WhatsApp, në këtë kohë, përdoren më shpesh, qoftë për ambiente personale, pune apo arsimore, prandaj aplikacioni ka vendosur ta rrisë këtë opsion në 512 anëtarë.

Risia tjetër është një filtër i ri kërkimi. Tani do të mundësohet filtrimi në mënyrë që vetëm bisedat që nuk janë lexuar ende të shfaqen në ekran, duke qenë kështu një opsion themelor për njerëzit që kanë biseda pafund dhe ndonjëherë harrojnë të përgjigjen.

Të dy funksionet po arrijnë aktualisht tek disa përdorues të versioneve beta në WhatsApp, megjithatë, në ditët në vijim do ta bëjë këtë në tërësi./arbresh.info/

Shpërndaje në rrjete sociale