AS Monaco ka njoftuar zyrtarisht për transferimin e Takumi Minaminos nga Liverpooli.

Klubi francez bëri të ditur se 27-vjeçari ka nënshkruar kontratë të vlefshme deri më 30 qershor 2026.

“Është një gëzim i madh për mua të bashkohem me AS Monaco. Jam i lumtur që jam pjesë e projektit të klubit. Mezi pres të zbuloj mjedisin tim të ri dhe të bëj gjithçka që është e mundur për të ndihmuar ekipin”, tha Minamino për faqen zyrtare të klubit të tij të ri.

L’AS Monaco est heureux d’annoncer l’arrivée de @takumina0116 🇯🇵

Le milieu de terrain offensif international japonais, 27 ans, s’est engagé pour 4 saisons, jusqu’en juin 2026.#WelcomeTakumi

— AS Monaco 🇲🇨 (@AS_Monaco) June 28, 2022

Liverpooli i ka të garantuara 15 milionë euro nga shitja e sulmuesit japonez.

Klubi anglez mund të përfitojë më vonë edhe tre milionë të tjera në formë të bonuseve, shifër e cila varet pastaj nga arritjet e lojtarit.