Zyrtare: Dembele te Atletico Madridi, Slimani te Lyon

19:11 | 13 Janar 2021

Olympique Lyon ka njoftuar për huazimin e Moussa Dembeles në Atletico Madrid deri më 30 qershor 2021, ndërsa ka njoftuar afrimin e Islam Slimani që ishte lënë i lirë nga Leicester.

Atletico Madridi ka gjetur shpejt zëvendësimin e Diego Costas që u largua disa javë më parë.

Sulmuesi Dembele ka nënshkruar për klubin madrilen si huazim për gjashtë muaj me mundësi blerje.

Kosto e këtij operacioni vlen 1.5 milion euro, ndërsa klubi spanjoll mund të nënshkruajë me lojtarin për 33.5 milionë euro. Po ashtu parashihen edhe bonuse në vlerë 5 milionë dhe 10 përqind e shitjes nëse lojtari kalon në klub tjetër.

Dembele kishte kaluar te Olympique Lyon në gusht 2018 nga Celtic Glasgoë për 22 milionë euro, ku u paraqit në 108 ndeshje me klubin dhe ka shënuar 45 gola.

Në mënyrë që ta kompensojë largimin e Moussa Dembélé te Atlético Madrid, klubi i Lyon ka nënshkruar me sulmuesin algjerian Islam Slimani për një periudhë prej 18 muajsh, deri më 30 qershor 2022.

Sulmuesi ishte lënë i lirë nga klubi anglez Leicester.

Shpërndaje në rrjete sociale

Lajmet më të lexuara