Muharrem Sahiti ka mbajtur stërvitjen e parë si trajner i Përfaqësueses së Kosovës.

Kosova mbajti stërvitjen në Drenas ku ishte një atmosferë shumë e mirë dhe ishin mbledhur qindra shikues.

Trajneri i Kosovës, Muharrem Sahiti ka thënë se ishte një stërvitje e mirë kjo në Drenas.

“Patëm një stërvitje të mirë. Atmosfera e mirë dhe gjendja e futbollistëve e mirë”, deklaroi Sahiti.

“Për shumicën e këtyre futbollistëve është një emocion i veçantë pasi luajnë për herë të parë para adhuruesve në Kosovë”.

Pamje nga stërvitja e Përfaqësueses së Kosovës

Sipas gjilanasit, do të punojnë me përkushtim të madh për të bërë një lojë të mirë të hënën.

“Do të punojmë me përkushtim edhe në ditët në vijim. Kemi pak a shumë njohuri për kundërshtarin. Shpresojë në një lojë të mirë”, u shpreh trajneri i Kosovës.

Kjo do të jetë ndeshja e parë për Sahitin që do ta drejtojë Kosovës si trajner i parë, pasi më herët ai ishte ndihmës i Albert Bunjakut.