Georginio Wijnaldum – shpëtimtari i PSG

23:04 | 4 Dhjetor 2021

Paris Saint-Germian nuk ka arritur së sigurojë më shumë se një pikë në udhëtim te Lens, ndeshje kjo e zhvilluar në kuadër të xhiros së 17-të të Ligue 1.

Pjesa e parë e ndeshjes nuk pati ndonjë zhvillim, andaj edhe shifrat mbetën 0-0.

Në pjesën e dytë, Seko Fofana arriti të kalonte Lens në epërsi, por më shumë ishte meritë e Keylor Navas, pasi portieri nga Kosta Rika nuk e ndali siç duhet goditjen e tij.

Pas këtij goli, mysafirët mondoheshin vazhdimisht të dilnin nga disavantazhi, por këtë gjë e arritën në minutat shtesë të ndeshjes, ku Georginio Wijnaldum shënoi për të barazuar rezultatin.

Pas këtij barazimi, PSG vazhdon kryesimin në renditjen tabelare me 42 pikë të grumbulluara, ndërsa Lens gjendet në vendin e pestë me 27 pikë./Arbresh.info

Shpërndaje në rrjete sociale

Lajmet më të lexuara