Egjipti në këmbë për Mohamed Salah

14:50 | 30 Maj 2018

Egjipti pret lajme të mira nga Mohamed Salah.

Mohamed Salah mbërriti të martën në Valencia për të nisur nga aty fazën e riaftësimit nga dëmtimi i pësuar në finalen e Champions League për të qenë i gatshëm për Kampionatin Botërorë.

Salah do të jetë gjatë gjithë kohës nën vëmendjen e fizioterapistit të Liverpool, Ruben Pons, njeriu te i cili mbajnë shpresat një popull i tërë për të parë Momo në Rusi 2018.

Vlerësimi i kohës së rikuperimit aktualisht 3 deri në 4 javë. Fatmirësisht, sulmuesi nuk ka pësuar thyerje, as zhvendosje të shpatullës. Lëndimi i Salah është më pak serioz se sa pritej.

“Ne kishim frikë në fillim për më të keqen dhe u përpoqëm të qetësonim lojtarin. Nuk është koha të ndjehemi keq, por të punojnë për të arritur gjendjen optimale”, tha fizioterapisti, transmeton “TCH”.

Ndeshja e parë e Egjiptit në Botëror do të jetë më 15 qershor ndaj Uruguait, më pas do të jetë në fushën e lojës më 19 ndaj Rusisë dhe më 25 qershor ndaj Arabisë Saudite.

Aktualisht, mendohet se Salah mund të jetë në Rusi për takimin e dytë të Egjiptit, por në dy javë gjërat mund të ndryshojnë…

Shpërndaje në rrjete sociale

Lajmet më të lexuara