De Jong refuzon transferimin drejt Manchester United

16:56 | 28 Maj 2022

Manchester United dhe Barcelona kanë arritur marrëveshje rreth shumës së transferimit të Frenkie De Jong, por holandezi nuk po pranon.

De Jong e ka refuzuar mundësinë e transferimit te Manchester United, më së shumti edhe për faktin që ata nuk garojnë në Champions League.

Frenkie de Jong mund të jetë një nga lojtarët që mund t’i sjellë shumë para Barcelonës nëse shitet.

Klubi ka probleme të dukshme financiare dhe me fuqinë e opsioneve në mesfushë, ata mund të tundohen të shesin mesfushorin holandez nëse arrin një ofertë e madhe

Manchester United ka shfaqur interesimin më të madh deri më tani dhe ka kontaktuar kampin e lojtarit, por ata duan një përgjigje përfundimtare sa më shpejt të jetë e mundur, pasi ndërtojnë një projekt të ri nën drejtimin e trajnerit të ri Erik ten Hag.