CR7 me notë jo të mirë gjatë ndeshjes së parë zyrtare me Al-Nassr

22:08 | 22 Janar 2023

Cristiano Ronaldo realizoi debutimin zyrtar te Al Nassr, në fitoren 1-0 ndaj Al Ettifaq në kuadër të javës së 14-të në Superligën e Arabisë.

Golin e vetëm në këtë përballje e realizoi Anderson Talisca, për t’i dhuruar ekipit të tij tri pikë.

Al Nassr ishte ekip më i mirë në fushë dhe mori notën 6.92, ndërsa Al Ettifaq u vlerësua me 6.87.

Lojtari më i mirë i ndeshjes ishte pikërisht Talisca, që u notua me 7.7.

Ronaldo kishte një paraqitje më të dobët se lojtarët e tjerë të ekipit të tij, pasi u vlerësua me 6.9.

Shpërndaje në rrjete sociale