Ancelotti: Nuk mund të parashikoj se çfarë do të ndodhë në ndeshje

17:21 | 12 Mars 2025
D.H

Real Madridi luan sfidën e kthimit të Ligës së Kampionëve në rrethin e 1/8 së finales sonte ndaj Atletico Madridit.

Para sfidës trajneri italian, Carlo Ancelotti ka folur rreth rëndësisë së kësaj ndeshje si dhe strategjisë për këtë sfidë, shkruan Arbresh.info.

“Nuk mund të parashikoj se çfarë do të ndodhë në ndeshje, preferoj të fokusohem te skuadra ime”, deklaroi Ancelotti kur u pyet për pikëpamjet e tij për kundërshtarin.

“Duhet të mendojmë se si të sulmojmë bllokun e ulët, si të thyejmë presionin dhe të nisim një kundërsulm”.

“Atletico mund të luajë në shumë mënyra të ndryshme: në mbrojtje, në sulm, në kundërvënie… Dhe Real Madridi mund të bëjë të njëjtën gjë”, ka shtuar më tej strategu italian.

Ndeshja mes këtyre dy skuadrave nis nga ora 21:00 teksa sfida e parë u mbyll 2-1 në të mirë të Real Madridit./Arbresh.info