Studentët nuk po vaksinohen/ Gjirokastër, në qendrën e hapur në universitet ka shumë pak të interesuar

16:29 | 12 Tetor 2021

Procesi i vaksinimit vazhdon edhe në Universitetin e Gjirokastrës, ndonëse interesimi është ende i ulët, për shkak edhe të largësisë së studentëve nga vendbanimet e tyre.

Tre lloje vaksinash janë në dispozicion të studentëve në Gjirokastër. Specialistët e Shëndetësisë rekomandojnë për ata vaksinën Pfizer si vaksina me efektet më të pakta tek të rinjtë.

Zv/rektori I Universitetit Jaho Cana, pohon se prej fillimit të javës së ardhshme, nisja e vitit të ri akademik, do të shoqërohet edhe me masat e reja anticovid. Moslejimi i të rinjve të pavaksinuar apo pa test PCR nëpër auditore, nuk është penalizim, por kusht i domosdoshëm për zhvillimin normal të procesit mësimor në auditore.

Punonjësit e Drejtorisë së shëndetit publik në Gjirokastër bëjnë me dije se një pjesë e studentëve po vaksinohen pranë qendrave shëndetësore më afër vendbanimit të tyre. Nisja e vitit akademik do të jetë tregues i nivelit të vaksinimit të studentëve./tch

Lajmet më të lexuara