Qytetarët padisin Partinë Socialiste në SPAK për patronazhistët

01:48 | 21 Korrik 2021

Padi për Partinë Socialiste pak muaj pas zgjedhjeve për çështjen e patronazhistëve. 162 qytetarë të Qarkut të Tiranës, përfaqësuar nga organizata rinore ‘GUXO’, padisin në SPAK, Partinë Socialiste dhe drejtuesit e saj për mbledhjen, përpunimin dhe përhapjen e paligjshme tek patronazhistët të dhënave të tyre personale.

Ata thonë se mbledhja dhe përpunimi i të dhënave të qytetarëve është bërë në mënyrë të paligjshme.

Çështja e patronazhistëve u zbulua nga mediat përpara zgjedhjeve të 25 Prillit, ku PS kishte një database me të dhënat e mijëra qytetarëve, dhe preferencat e tyre partiake.

SPAK nisi një hetim paraprak për këtë çështje, ku u kërkua sekuestrimi i serverave të blogut Lapsi, si dhe u morën në pyetje gazetarët, por dosja nuk u trajtua asnjëherë si krim zgjedhor.

Shpërndaje në rrjete sociale

Lajmet më të lexuara