Monika Kryemadhi justifikon humbjen e LSI në Durrës

20:33 | 27 Nëntor 2021

Megjtihëse pati një dështim në spektakolar në Durrës, ku nuk mori asnjë deputet, sërish kryetarja e LSI-së Monika Kryemadhi nuk ka fajësuar Elona Gurin të cilën e vendosi në krye të fushatës së Durrësit për zgjedhjet e 25 Prillit. Fajin për humbjen ia faturoi asaj që e quajti “marrëveshja e fshehtë mes qeverisë dhe shtojcës së saj në radhët e opozitës së bashkuar”.

“Kjo është bërë e dukshme para, gjatë votimit, si dhe në çdo tavolinë të numërimit, ku interesi primar i bandës së inceneratorëve qeveri-opozitë, ishte mandati i kryeministrit në Durrës dhe vijimi i mandatit qeverisës”, tha Kryemadhi gjatë takimit me anëtarët e LSI-së në këtë qytet. Pasi të mbarojë mandatin në presidencë, Ilir Meta ka thënë se do ta marrë vetë drejtimin e LSI-së.

Rikthehem me kënaqësi në takim me ekipin e Durrësit, pas një analize të plotë që kemi zhvilluar, mbi arsyet dhe pasojat e masakrës zgjedhore të 25 Prillit.

Mandati i përfaqësimit në Kuvend, edhe pse ishte shprehur qartë nga qytetarët në kutitë e votimit, iu mohua LSI-së në Durrës prej marrëveshjes së fshehtë të bashkëpunimit, që ekzistonte mes qeverisë dhe shtojcës së saj në radhët e opozitës së bashkuar.

Kjo është bërë e dukshme para, gjatë votimit, si dhe në çdo tavolinë të numërimit, ku interesi primar i bandës së inceneratorëve qeveri-opozitë, ishte mandati i kryeministrit në Durrës dhe vijimi i mandatit qeverisës.

Ne po ringrihemi më të fortë dhe të vendosur, e bashkë me qytetarët durrsak, me gratë, vajzat dhe të rinjtë energjik, do të përfaqësojmë siç duhet interesat e çdo banori të këtij qyteti të mrekullueshëm. Misioni për shtëpinë tonë të përbashkët, vijon dhe rëndësia e tij është sot më i madh se kurrë./lapsi.al/

Shpërndaje në rrjete sociale