Të shtëna me armë te lokali i Noizy-t, zbulohet çfarë ka ndodhur

14:47 | 16 Maj 2022

Gjatë ditës së sotme u raportuan të shtëna me armë në Durrës që mësohet se kanë ndodhur te lokali i Noizyt në zonën e Currilave.

Bëhet e ditur se i plagosur nga të shtënat ka mbetur 31 vjeçari Ardit Kërtusha ish-kandidati për kreun e PS në Durrës. Mësohet se ai u plagos në këmbë pas një konflikti çasti.

Sipas policisë, dyshohet se ngjarja ka ndodhur gjatë një konflikti për motive të dobëta. Kërtusha ndodhet nën kujdesin e mjekëve, jashtë rrezikut për jetën. Nuk dihet ende si ka nisur sherri dhe se kush është autori i të shtënave me armë.

Ndërkohë vijon krehja e zonës, për identifikimin dhe kapjen e autorit.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes./albeu

lexo edhe:

Të shtëna me armë në Durrës, plagoset një person

Shpërndaje në rrjete sociale