Ish-gangsteri “Keefe D”: Tani pasi po vdes shkaku i kancerit, dua të tregoj se kush e vrau 2Pac

23:41 | 2 Korrik 2018

Një gangster dikur i lidhur me vrasjen e Tupac Shakur në vitin 1996, ka pranuar se ka rol në të shtënat ndaj reperit.

Duane Keith Davis – i njohur edhe si ‘Keefe D’ – është xhaxhai i të dyshuarit të parë në këtë rast, Orlando Andersonit.

Davis pohoi se ishte në një veturë në rrugët e Las Vegasit, kur një pasagjer që ishte së bashku me të gjuajti katër herë drejt yllit të muzikës, atëbotë 25-vjeçar.

Tanimë është publikuar një dokumentar i ri i Netflix – “Unsolved, the Tupac and Biggie Murders” – bazuar në punën e një task force hetuese të policisë së Los Angelesit të udhëhequr nga ish-polici, Greg Kading.

Duane Keith Davis

Gjetjet e Kadingut u bazuan në një kasetë të Davisit të regjistruar nën imunitet.

Davis, në një dokumentar të veçantë të titulluar ‘Death Row Chronicles’, tha se tani është i sëmurë dhe dëshiron të zbulojë se çfarë ka ndodhur në natën e trishtë të shtatorit.

“Unë isha një pilot i Comptonit, tregtar droge dhe jam i vetmi i gjallë që mund të të tregojë historinë për vrasjen e Tupacut”, tha Davis, shkruar “Star Daily”.

Ai shtoi se “njerëzit më kanë ndjekur për 20 vjet, po dal tani sepse kam kancer. Dhe unë nuk kam asgjë tjetër për të humbur. Gjithçka që më intereson tani është e vërteta”

Por përkundër pranimit sensacional, Davis refuzoi të tregojë vrasësin. Ai tha se do ta mbante sekret “kodin e rrugëve”, por shtoi “se tashmë ka marrë mbështetje rreth kësaj teme”.

Orlando Anderson

Theksojmë se Tupac vdiq gjashtë ditë pas plagosjes më 7 shtator. Ai kishte qenë duke vozitur me shefin e Death Row Records, Suge Knight kur një person i armatosur në një Cadillac të bardhë është ndalur pranë BMW-së, e cila u ndal në semaforë dhe më pas ylli u qëllua pastaj në kraharor, kofshë dhe krah. Por askush nuk është dënuar për vrasjen e tij.

Davis tha se nipi i tij ishte sulmuar dhe rrahur nga Tupac dhe anëtarët e ekuipazhit të tij, duke nxitur dëshirën për hakmarrje.

Kush ishte 2Pac, kush e vrau atë dhe Biggie Smallsin, teoritë se është gjallë: Biografi e shkurtër e reperit amerikanKush ishte 2Pac, kush e vrau atë dhe Biggie Smallsin, teoritë se është gjallë: Biografi e shkurtër e reperit amerikan

Anderson u raportua se ishte lidhur me bandën famëkeqe “Crips”, ndërsa vrasja e Tupacit ishte e lidhur me rivalët e tyre.

Anderson vdiq gjatë një aksioni grabitës së bandës në vitin 1998, por gjithmonë mohoi përfshirjen në vrasjen e Tupac. /Telegrafi/

Shpërndaje në rrjete sociale

Lajmet më të lexuara