Stresi në shtatzëni është një gjendje shumë e zakonshme dhe deri diku normale, për shkak të ndryshimeve fizike, psikologjike dhe emocionale. Megjithatë një gjendje e vazhdueshme e stresit mund të ketë efekte negative mbi shtatzaninë dhe shëndetin e fëmijës edne të palindur.

Pasojat mbi fëmijën

Studimet kanë treguar se stresi në shtatzëni mund të çojë në një rrezik më të lartë të lindjes së parakohshme dhe një peshë më të ulët të të porsalindurit.

Sipas disa studiuesve, fetuset e nënave shumë të shqetësuara paraqesin më pak lëvizje të regjistruara përmes ultratingujve.

Studime të tjera kanë gjetur një prani më të madhe të sëmundjeve infektive gjatë fëmijërisë.

Një tjetër studim zbuloi një rrezik më të madh të zhvillimit të çrregullimeve emocionale gjatë jetës, si ankthi dhe depresioni.

Prania e vazhdueshme e stresit mund të pengojë zhvillimin normal të sistemit nervor të fetusit.

Reduktimi i stresit

Është e domosdoshme të kuptoni kur stresi në shtatzëni është i tepruar dhe të përpiqeni të qetësoheni përmes teknikave të ndryshme si relaksimi i muskujve, ngadalësimi i frymëmarrjes, yoga, ushtrime fizike apo edhe një dietë e ekuilibruar./pernenat.al