Shkup, 182 kundërvajtje në komunikacion

12:44 | 25 Shtator 2021

Ministria e Punëve të Brendshme njofton se gjatë ditës së djeshme vazhdoi me aksionet e përforcuara në komunikacion.

“Në Bashkinë e Shkupit janë shqiptuar gjithsej 182 masa prej të cilave 46 janë për tejkalim shpejtësie, 20 për vozitje pa leje, katër për vozitje nën ndikimin e alkoolit, pesë për mosregjistrim të automjeteve”, thonë nga SPB Shkup.

Po ashtu janë shqiptuar edhe pesë masa për përdorim të telefonit gjatë vozitjes, pesë për motoçiklistët dhe 62 për parkim jo të rregullt.

Aksionet të këtilla do të ketë edhe gjatë ditëve të ardhshme.

“U bëjmë thirrje qytetarëve që t’i respektojnë rregullat në mënyrë që ta risim sigurinë në komunikacion”, thuhet në njoftimin e policisë.

Shpërndaje në rrjete sociale

Lajmet më të lexuara