Vërshimet mbysin viçin në Skënderaj

14:17 | 20 Janar 2023

Vërshimet kanë shkaktuar dëme të mëdha në Tushile të Skenderajt.

Nga këto vërshime që kanë hyrë në çdo objekt të mundshëm, është mbytur një viç, pasi ujërat e mëdha hynë edhe në stallën ku kjo kafshë po qëndronte.

Komuna e Skenderajt është njëra nga komunat më të prekura nga vërshimet që janë shkaktuar edhe në disa pjesë të tjera të territorit të vendit.

Kryetari i Skënderajt, Fadil Nura, qysh dje ka shpallur gjendjen emergjente, ndërsa mësimi nëpër shkolla nga sot nuk po zhvillohet, të paktën deri në qetësimin e situatës.

Përveç Skënderajt, komunat e tjera të prekura nga vërshimet janë: Mitrovica, Klina, Istogu, Drenasi dhe Podujeva.

Shpërndaje në rrjete sociale