Ushtruesi i Detyrës së Kryeprokurorit të Shtetit, Besim Kelmendi, ka zhvilluar takim zyrtar me Komandantin e Policisë Ushtarake të Forcës së Sigurisë së Kosovës, Nënkolonel Besnik Selimi dhe Zyrtaren Ligjore nga Shtabi i Përgjithshëm ,Albana Çeku.

Në njoftimin për media thuhet se ata patën diskutime përmbajtjesore lidhur me autorizimet dhe mandatin që Policia Ushtarake e ka të përcaktuar me ligj në hetimin e veprave penale, të cilat kryhen nga pjesëtarët e FSK-së.

“ U.D. Kryeprokurori Kelmendi dhe Komandanti Selimi patën diskutime përmbajtjesore lidhur me autorizimet dhe mandatin që Policia Ushtarake e ka të përcaktuar me ligj në hetimin e veprave penale, të cilat kryhen nga pjesëtarët e FSK-së, bashkëpunimin profesional dhe ligjor ndërmjet institucionit të Prokurorit të Shtetit dhe hetuesve të Policisë Ushtarake në fazat e procedurës penale, si dhe ofrimin e mbështetjes së ndërsjellë në çështjet që bien në kompetencë të institucioneve respektive”, thuhet në njoftim.

Gjithashtu në takim u diskutua edhe për nevojën e mbajtjes së trajnimeve të përbashkëta dhe nënshkrimit të një memorandumi të bashkëpunimit në të ardhmen ndërmjet të dyja institucioneve./Arbresh.info/