Therja me thikë në Obiliq, dy nga të lënduarit në gjendje të rëndë, i nënshtrohen operacionit

19:40 | 11 Janar 2022

Tre persona janë plagosur sot gjatë një përleshje në sheshin e qytetit në Obiliq, ku të njëjtit janë dërguar për trajtim mjekësor në QKUK, derisa gjendja e dy prej tyre është e rëndë.

Kështu tha për arbresh.info mjeku kujdestar në Klinikën Emergjente në QKUK, Avdush Bajgora.

Ai tha se dy prej tyre i janë nënshtruar operacionit, dhe janë në mjekim intensivë.

“Aktualisht e kanë gjendjen e rëndë, dy prej tyre i janë nënshtruar operacionit, njëri nga ta është pak më mirë, dhe janë në mjekim intensivë”, tha ai.

Kujtojmë se, rastin për arbresh.info e kanë konfirmuar edhe nga Policia e Kosovës.

Flora Ahmeti, zëdhënëse e policisë për rajonin e Prishtinës ka thënë se përleshja ka ndodhur rreth orës 15:00 dhe se policia ka nisur hetime lidhur me rrethanat e këtij rasti.

“Sot rreth orës 15 :00 patrulla policore ka hasë në një përleshje fizike e cila ka ndodhë në sheshin e qytetit,në Obiliq. Bazuar në të dhënat fillestare, në këtë rast nga mjete të mprehta, janë plagosur tre persona. Të njëjtit janë dërguar për trajtim mjekësor. Policia ka nisur një hetim lidhur me rrethanat e këtij rasti”, tha Ahmeti./arbresh.info/

LEXO EDHE:

Përleshje me thika në Obiliq, lëndohen tre persona

Lajmet më të lexuara