Shefi i grupit parlamentar të AAK-së, Besnik Tahiri, ka kritikuar rritjen e tatimit në pronë nga Qeveria, duke e quajtur atë si “sulm ndaj qytetarëve”.

Në një postim në Facebook, Tahiri ka shkruar se kjo logjikë e rritjes së vlerës tatimore i rëndon qytetarët, per cjell arbresh.info.

“Rritja e tatimit për pronat është sulm ndaj qytetarëve!

Efektet zinxhir të krizës socio-ekonomike, nuk mund të shërbejnë si vlerësime reale të normës tatimore të pronave.

Logjika që kriza e shkaktuar nga inflacioni të kthehet barrë, jo vetëm e rritjes së çmimeve bazike, por edhe në vlerësimin e vlerës tatimore, është e pa bazuar, jo logjike dhe rënduese për qytetarët.”, ka shkruar Tahiri.

Ai theksoi se nxjerrja e parave nga xhepi i qytetarëve po konsiderohet si rritje ekonomike, dhe sipas tij, shteti po i varfëron ata.