Anëtarja e Vetëvendosje, Fatmire Mulhaxha-Kollçaku ka thënë sot se duhet të kalohen ambiciet individuale në emër të projektit kombëtar dhe të emër të sakrificës që kanë bërë për Vetëvendosje, Mon Balaj, Arben Xheladini e Astrit Dehari.

Këtë deklaratë, Mulhaxha-Kollçaku e bëri gjatë hapjes së mbledhjes së 31’të, të Këshillit të Përgjithshëm të Lëvizjes Vetëvendosje, shkruan arbresh.info.

“Le të kalohen ambiciet individuale në emër të projektit kombëtar dhe në emër të sakrificës që kanë bërë për Vetëvendosje Moni, Arbeni e Astriti të cilët kurrë nuk do t’i harrojmë e të cilët na udhëheqin në rrugën  tonë në të ardhmen sepse vetëm ashtu vazhdojmë të jemi Vetëvendosje”, ka thënë Mulhaxha-Kollçaku.

Sipas saj, mandati i kryetarit të VV-së, Visar Ymeri i përfundon mandati në janar të vitit 2018 dhe se Këshilli i Përgjithshëm duhet të caktoj datën e mbajtjes së zgjedhjeve të reja./arbresh.info/