MPB: Të gjitha rrugët dhe pikat kufitare në Kosovë janë të kalueshme

16:31 | 17 Janar 2021

Ministria e Punëve të Brendshme ka bërë të ditur se gjendja nëpër rrugët e Kosovës është e mirë pavarësisht motit të ligë.

Ministria ka bërë sot përditësimin e të dhënave për gjendjen e rrugëve sipas të cilit të gjitha rrugët janë të kalueshme përveç rrugës Pejë-Kullë ku kërkohet kujdes duke kaluar me pajisje dimërore.

Po ashtu, sipas njoftimit të MPB-së edhe pikat e kalimit kufitar janë të hapura dhe të qarkullueshme.

Moti i ftohtë dhe me reshje bore ditëve të fundit në Kosovë e ka vështirësuar qarkullimin nëpër rrugë.

Për këtë arsye edhe Policia e Kosovës ka apeluar tek shoferët që të kenë kujdes gjatë ngasjes dhe të përshtatet shpejtësia e lëvizjes me kushtet atmosferike.

 

Shpërndaje në rrjete sociale

Lajmet më të lexuara