Ministria e Industrisë demanton raportimet se janë zhdukur 10 milionë euro

13:44 | 13 Maj 2022

Ministria e Industrisë, Ndërmarrësisë dhe Tregtisë ka dal me njoftim pas raportimeve se janë zhdukur rreth 10 milionë euro të destinuara për rezervat shtetërore.

Nga kjo ministri kanë thënë se përmbajtja e këtij artikulli është e pavërtetë, duke shtuar se rezervat kanë arritur në Kosovë.

Reagimi i plotë:

Ju njoftojmë se lidhur me artikullin e publikuar me titullin “Skandali i madh i ministres Rozeta Hajdari; Zhduken rreth 10 milion euro te destinuara për rezervat shtetërore”, njoftojmë opinionin publik se përmbajtja e këtij artikulli është e pavërtetë.

Ministria e Industrisë, Ndërmarrësisë dhe Tregtisë njofton opinionin e gjerë se rezervat shtetërore janë siguruar sipas planifikimit të projektuar.

Me planifikim nga MINT dhe financim nga buxheti kombëtar, janë siguruar furnizime me produktet esenciale të rezervës shtetërore në sasi të konsiderueshme gjatë vitit 2022.

Rezerva e shtuar gjatë fillim vitit 2022, veçse ka arritur në Kosove dhe është vendosur në lokacionet e aranzhuara për rezervën shtetërore.

Raportime të pavërteta si kjo janë të dëmshme për sigurinë publike, andaj Ministria e Industrisë Ndërrmarrësisë do të ndjekë rrugët ligjore./arbresh.info/

Shpërndaje në rrjete sociale

Lajmet më të lexuara