Lajçak: Më pak mbështetje për palën që refuzon propozimin evropian

21:17 | 25 Janar 2023

Ndërmjetësuesi i BE-së për dialogun Kosovë-Serbi, Miroslav Lajçak, ka thënë se procesi i raporteve mes të dyja vendeve, është shumë në fokus të bashkësisë ndërkombëtare.

Këtë ai e specifikoi në Rubikon ndërsa zbuloi se takimi i së premtes së kaluar, ishte me të vërtetë i një pesëshe jo të zakonshme që është parë deri më sot për këtë çështje.

”Jemi duke zhvilluar këto diskutimet ndaras me palët, por kur t’i bashkojmë do të presim natyrisht që ta pranojnë planin, ta nënshkruajnë dhe ta zbatojnë atë natyrisht”.

I pyetur çka do të ndodhë nëse Kosova ose Serbia, cilado qoftë prej tyre, nuk pajtohet me planin e propozuar, Lajçak tha se atëherë BE-ja do ta mbështesë njërën palë më shumë, e tjetrën më pak.

”Atëherë bashkësia ndërkombëtare, ka për t’u përgjigjur në mënyrë të duhur, dhe do ta mbështes njërën palë më shumë, apo do ta zvogëlojë mbështetjen për palën tjetër”.

”Ky proces është shumë në fokus të bashkësisë ndërkombëtare. Misioni i së premtes së kaluar, me të vërtetë ka qenë i peshës së rëndë, SHBA, BE dhe tri shtetet nuk do të kishin ardhur këtu për asgjë”.

 

Shpërndaje në rrjete sociale