Kurti takohet me Myftiun Naim Tërnava, bisedojnë për Projektligjin për Liritë Fetare

11:36 | 23 Janar 2023

Kryeministri i Republikës së Kosovës, Albin Kurti, u prit në takim nga kryetari i Bashkësisë Islame të Kosovës, Myftiu Naim Tërnava.

Kryeministri Kurti shprehu mirënjohje për Myftiun Tërnava për përkrahjen dhe kontributin e dhënë nga ai dhe Bashkësia Islame e Kosovës, përcjell arbresh.info.

Në takimin e përbashkët me Ministrin e Kulturës, Rinisë dhe Sportit, Hajrulla Çeku u bisedua edhe për Projektligjin për Liritë Fetare. Kurti e falënderoi Myftiun Tërnava për bashkëpunimin për këtë projektligj.

U theksua se Qeveria e merr me seriozitet garantimin dhe respektimin e plotë të lirisë fetare, në mënyrë të barabartë, për të gjithë qytetarët pa dallim, thuhet në komunikatën e zyrës së kryeministrit.

Shpërndaje në rrjete sociale