Kryeministri i vendit, Albin Kurti ka marrë pjesë në mbledhjë e IV e Këshillit, organit më të lartë të strukturës së GVV-së ku janë  diskutuar për më shumë politika që mbështesin gratë e vajzat.

Në fjalën e tij, Kurti tha se nuk ka pasur asnjëherë më shumë mbështetje nga populli sesa tani, dhe sipas tij rezultati i shkurtit 2021, duhet të përsëritet, e të tejkalohet, shkruan Arbresh.info.

“Për herë të parë në Kosovën e pavarur kemi një qeveri që po e çon mandatin deri në fund. Kjo është qeverisja jonë, qeverisja e VETËVENDOSJE!-s. Jemi votuar aq masivisht në shkurtin 2021, sa nuk ka arritur askush asnjëherë më parë një rezultat aq të thellë e të lartë, sa me të drejtë e kemi quajtur asokohe: referendum!”, u shpreh ai.

“Tani për të dalë te zgjedhjet që kemi përpara: nuk kemi pasur asnjëherë më shumë kohë për t’u përgatitur për zgjedhje se sa tani. Nuk kemi pasur asnjëherë më shumë mbështetje nga populli sesa tani. Andaj edhe rezultati i shkurtit 2021, duhet të përsëritet, e të tejkalohet”, shtoi Kurti.

Ai tha se kur jen puna te Parlamenti e Qeveria, lirisht mund të krenohemi me përparimin që Kosova ka pasur.

“Më 9 shkurt do të mbahen zgjedhjet parlamentare. Kur vjen puna te Parlamenti e Qeveria, lirisht mund të krenohemi me përparimin që Kosova ka pasur. Kosova ka presidente grua, dy zëvendëskryeministre gra, pesë ministre gra dhe 40% të deputetëve të Grupit Parlamentar të LVV janë gra, e që u zgjodhën pa kuotë, secila prej tyre!”, tha mes të tjerash kryeminstri./Arbresh.info/