Kurti: Kosova aplikon për anëtarësim në Këshillin e Evropës

17:41 | 12 Maj 2022

Kryeministri i Kosovës, Albin Kurti ka bërë të ditur se në mbledhjen e qeverisë sot është miratuar nisma për anëtarësimin e Kosovës organizatën e Këshillit të Evropës.

Po ashtu, Kurti bënë të ditur se pak kohë më pas dorëzuam edhe aplikimin për anëtarësim, shkruan arbresh.info.

“Në mbledhjen e sotme të Qeverisë miratuam nismën për anëtarësimin e Republikës sonë në këtë organizatë të rëndësishme ndërkombëtare, ndërkaq pak kohë më pas dorëzuam edhe aplikimin për anëtarësim. Kosova është vendi më demokratik në Ballkanin Perëndimor, ku të drejtat dhe liritë e njeriut janë të garantuara me Kushtetutë dhe ligj. Liria e shprehjes dhe medies çdo herë e më shumë po shënon përmirësim. Luftimi i korrupsionit është i pakompromis. Reforma në sundimin e ligjit prioritet”, shkruan Kurti në Facebook.

Ai thotë se anëtarësimi në Këshillin e Evropës është vlerë e shtuar për Këshillin dhe mundësi për Kosovën që të përparojë edhe më shumë në fushën e të drejtave të njeriut, demokracisë dhe sundimit të ligjit.

Lajmet më të lexuara