Konjufca tregon se pse nuk nisi në kohë seanca plenare

11:10 | 24 Nëntor 2022

Seanca e sotme plenare e paraparë për orën 10:00, nuk ka filluar ende.

Kryetari i Kuvendit, Glauk Konjufca, ka treguar arsyen para deputetëve që janë mbledhur në sallë.

Ai tha se janë në pritje të një mbledhjeje të komisionit për mbrojtje dhe siguri në të cilën po shqyrtohet një projektligj i rëndësishëm.

“Ju kërkoj ndjesë, jemi duke pritur një mbledhje të grupit të komitetit, të komisionit për mbrojtje dhe siguri, ata po e shqyrtojnë një projektligj të rëndësishëm i cili pritet të hyjë në rend të ditës përmes plotësimit të ndryshimit të rendit të ditës. Pa e trajtuar komisioni këtë projektligj nuk mund ta përfshijmë në seancën e sotme, kjo është arsyeja pse po presim”, tha Konjufca. /arbresh.info/

Shpërndaje në rrjete sociale