Komuna e Mitrovicës ka ndarë 500 mijë euro për dëmet e shkaktuara nga vërshimet në këtë qytet.

Këtë e bëri të ditur kryetari i kësaj komune, Bedri Hamza, i cili në një postim në Facebook tha se ky vendim erdhi pasi pa çdo ditë gjendjen reale të shkaktuar pas vërshimeve, përcjell arbresh.info.

“Duke qenë çdo ditë afër jush dhe duke parë gjendjen dhe dëmet e shkaktuara nga vërshimet, në procedurë ligjore dhe institucionale, Komuna e Mitrovicës do të ndajë gjysmë milionë euro për dëmet e shkaktuara nga vërshimet në qytetin tonë.”, ka shkruar ai.

Më tej, Hamza bëri thirrje të gjithë ata që duan të ndihmojnë, të lajmërohen në komunë dhe më pas komuna do t’i identifikojë familjet në nevojë.