Kërkohet miratimi i Projektligjit për pensionimin e policëve

11:44 | 15 Dhjetor 2017

Ministri i Punëve të Brendshme Flamur Sefaj ka raportuar sot para Komisionit për Punë të Brendshme rreth zbatimit të MSA-së dhe për marrëveshjet mes Kosovës dhe Serbisë në Bruksel.

Deputeti i PDK-së Fatmir Xhelili pyeti ministrin se pse ka me shumë raste të iniciuara nga Policia dhe shumë pak aktakuza të ngritura nga Prokuroria.

Por Rashit Qalaj nga Policia e Kosovës tha se ka disproporcion mes padive të ngritura nga Policia por se prokurori vendos për ngritjen e aktakuzës apo jo.

Ministri Sefaj kërkoi nga deputetët që ta ndihmojnë në miratimin e Projektligjit për pensionimin e pjesëtarëve të Policisë, i cili parasheh që rreth 2 mijë pjesëtarë brenda tri viteve të dalin në pension.

Sefaj tha se këtë projektligj e ka bllokuar FMN-ja pasi sipas tyre ka kosto të madhe financiare.

Ministri Sefaj ka raportuar edhe për imlementimin e marrëveshjeve të arritura në Bruksel mes Kosovës dhe Serbisë që i përkasin Ministrisë së Punëve të Brendshme./arbresh.info/

Shpërndaje në rrjete sociale