Kryetari i Aleancës për Ardhmërinë e Kosovës (AAK), Ramush Haradinaj, ka kritikuar rritjen e tatimit në pronë nga Ministria e Financave, duke e quajtur këtë rritje si goditje ndaj financave të qytetarëve.

Në një postim në Facebook, Haradinaj ka shkruar se paratë e qytetarëve po barten nga xhepi i tyre në arkën e shtetit, madje, pa u shpenzuar aspak buxheti dhe pa u mbështetur qytetari.

“Ky veprim është edhe një goditje ndaj financave të qytetarëve. Me dhunë e përmes ligjit, financat e qytetarëve po barten nga xhepi i tyre në arkën e shtetit dhe në fund as nuk shpenzohet buxheti dhe as nuk mbështetet qytetari i Kosovës.”, ka shkruar Haradinaj.

Tutje, i pari i AAK-së tha se kryeministri Kurti po dinë ta gënjejë mirë popullin, por, sipas tij, durimi ka kufi.

Postimi i plotë: