Janë gjetur dy mjete të dyshimta të pashpërthyera në fshatin Balaj të Ferizajt.

Kjo u bë e ditur nga raporti i Policisë së Kosovës, në të cilin thuhet se një burrë nga ky fshat lajmëroi Policinë pasi i pa këto dy mjete në një fushë të këtij fshati, përcjell arbresh.info.

FSK-ja dhe KFOR-i menjëherë kanë intervenuar dhe kanë bërë deminimin e këtyre dy mjeteve pa asnjë incident.

GJETJE E MJETIT TË DYSHUAR

Fsh. Balaj, Ferizaj 19.01.2023-12:30. Një mashkull kosovar, ka raportuar se në fushë ka vërejtur dy mjete të dyshuara të pashpërthyera. Njësiti policor ka siguruar vendin e ngjarjes derisa,  njësitet për deminim i FSK-së dhe KFOR-it kanë bërë tërheqjen e mjeteve te dyshuara pa incidente.